Les mots surlignés font l'objet d'une note
1Reçue à Grenoble,le 10 mars 1573. Répondue.
2Monseingneur, le present porteur est delegué expressement
3pour fère la reverance à votre seingneurie et prier
4nous avoyr toujour en vostre protection et
5sauve garde et de nous voloyr maingtenir en
6nostre commerce accostumée avecques nous
7voisins prochains, affin que nous pussions
8satisfaire aux debvoyrs des deniers de sa
9majesté en aultres charges pour son service comme
10de tous temps nous desire de nostre
11pouvoyr y satisfaire. Et daultant que monsieur
12le vybaly de Briançon nous sortantz de notre
13vallée nous donne empechement quant il peult
14trouver quelcung de nous soubz pretexte de
15nostre religion ou aultrement, comme n’entendant
16laffin ; par laquelle et ne desirantz rien plus
17que d’obéyr à Dieu, au roy et à ses potentatz
18et magistratz, prierons affectueusement votre
19seingneurie nous permectre dyt commercé libre,
20aultrement ne porons satisfère mesmes
21aux ducatz qui presentament fault poyer
22à monsieur le trezorier audit lieu de Briançon
23le terme eschée à la chandeleur prochaine passée
24[201v°] de peur destre deteneuz audit lieu par ledit
25monsieur le vibaly ou par aultres, qui sera pour
26finir la presante,
27monseigneur que nous prierons Dieu vous augmenter
28en ses dons et graces, vous donner bonne,
29longue et heureuse vie.De Velcluson,
30ce segond jour de martz 1573.
31Vous très humbles et obeyssans
32à jamès serviteurs les consses
33dudit Valcluson et par leur commandement
34Clapye